Ooyllyn Oorey Graih (Ayrn 1)

Fouyr ny bleeaney 1957 v’ayn. Cha row mee agh jeih bleeaney d’eash. Va puit ec my voir er feiy y chlose er cooyl y thie – blaaghyn ayns paart jeu, shalmaneyn ayns paart elley jeu, lussyn ny h-ashlish ayns paart elley jeu foast. Er-ash ayns un chorneil va tree puit as ad coodit lesh shenn-pheeshyn dy ghlenney. Va ooyllyn graih gaase ayndaue. Ogh, va Mummig feer voyrnagh ass ny ooyllyn graih shen – ad braew blasstal millish. Lhieen ee daa veilley mooarey lesh ny h-ooyllyn graih cheddin as daag ee ad fo boayrd ny shamyr-aarlee.

Ny Harjant ‘sy Veoiryn-Shee va m’ayr ec y traa shen as dobbree eh dy jeean. Cha row monney counteeyn er fud ny çheerey – my-hwoaie, my-yiass ny my-hiar – nagh chaie my phaarantyn shayll cummal ayndaue, ad scughey voish boayl dy boayl lesh nyn baitçhyn ooilley myr ta rouailtee jannoo. ‘Tingleyryn shin,’ yiarragh my voir ghennal.

‘Sy Voth, ayns Countee Vuinaghan, va’n cummal ec my phaarantyn as nyn nuy paitçhyn ec y traa shen. Va m’ayr erreish scrutaght y yannoo son keim s’ardjey y gheddyn. By vian lesh ve ny scruteyr as cha nee shen y chied cheayrt v’eh jannoo yn scrutaght – ny’n nah cheayrt ny’n trass cheayrt noadyr. Dooinney glick v’eh as haink dy chooilley nane jeh ny scrutaghtyn feer vie lesh. Cha row carrey echey mastey lught yn chioneys, my ta, as cha daink ny co-akinyn va ry-yannoo echey lesh. Va çhymmey agglagh ec my voir er.

Yn sourey er-lheh shen, ansherbee, va’n scrutaght jeant as ard-oaseir ennagh ry-heet gys y Voth son co-akin y yannoo marish Jishig. My va jees erbee ayn er eaghtyr ny cruinney shoh va credjue lajer oc ayns Jee as ‘sy voidyn vannee, she Jishig as Mummig ad shen.

‘Cha jean oo jarrood padjer y ghra er son dt’ayr?’ as Mummig rhym.

‘Ogh, bejapers, cha jean,’ as mish.


Skeeal voish Yernish: Trátaí Úra (ass Saibhreas 1).
Advertisements

Freagra

Líon amach do chuid faisnéise thíos nó cliceáil ar dheilbhín le logáil isteach:

Lógó WordPress.com

Is le do chuntas WordPress.com atá tú ag freagairt. Logáil Amach / Athrú )

Peictiúr Twitter

Is le do chuntas Twitter atá tú ag freagairt. Logáil Amach / Athrú )

Pictiúr Facebook

Is le do chuntas Facebook atá tú ag freagairt. Logáil Amach / Athrú )

Pictiúr Google+

Is le do chuntas Google+ atá tú ag freagairt. Logáil Amach / Athrú )

Ceangal le %s