Biljyn
Liorish Micheál Ua Ciarmhaic
Çhyndaait gys y Ghaelg ec Peddyr Mac Niallan
Drine skeagh ny Boaldyney,
My vlaa as fo finnid,
Myr ben vane poosee,
Er altar ny cruinney.
Slatt cheyl unjin,
Lhoobey lesh geay,
Myr lhiannoo bleeaney,
Cur ayns laue kesmad y raaidey.
Billey glass juys,
Ny hassoo jeeragh,
Myr sidoor dunnal,
Er son e heer.
Shenn-villey darree,
Myr dooinney lhag creen,
Buick Yuan Fannee e vanglaneyn gollagagh,
Duillagyn fiojit e choamraghyn.
Billey dhone shellee,
Myr shenn-ven aaishnee,
E cloagey skeaylit,
Jeh dreeym yn eas.
Hed yn ‘raue mow,
As tuittee yn billey,
Agh geillee y sheel,
Reesht ayns traa.
Shinyn ny biljyn,
Aeg as creen,
Shinyn ny biljyn,
Cam as jeeragh.
Çhyndaays jeh Cranna liorish Micheál Ua Ciarmhaic.
Ard-jalloo voish liorish Fel-X.
Moghrey mie Y Phedyr.
S’aalin yn çhyndais reesht. Agh nagh lhisagh eh ve “hed” er lhimmey jeh “hem” ayns sheyoo ran?Lhiats Frauke
MoladhMolta ag 1 person
Ta, ta’n kiart ayd. Sooill vie ayd neesht, GMA! 🙂
MoladhMoladh