Huey Thunnag, Dewey Thunnag, as Louie Thunnag
Va paragraaf doillee aym ry-screeu. Hannee mee prowal as prowal, çheet dys close kyagh. As laa dy row dooyrt mee, “Wahll, ta daa oor aym roish my jig my nah hurransagh stiagh. Er-lhiam’s dy lhieym sheear as goll my-neealloo as fakin cre t’ec m’o-aigney y ghra mychione y pharagraaf doillee shen.”
Darkee mee derrey mysh queig minnid jeig roish my daink y surransagh shen stiagh as va yindys orrym d’akin, ayns m’ught, kishtey dy phabyryn aitt va lesh ny paitçhyn. Va daa chreagh er my yesk. Va’n surransagh jerkit myr shen hug mee ny pabyryn aitt er ash sy chishtey, hie magh sy çhamyr elley, as honnick my hurransagh.
Cubbyl dy hiaghteeyn ny s’anmey smooinee mee, “Wahll, cha nel yn ansoor aym da’n pharagraaf shen foast.” Va red beg dy hraa seyr aym as ghow mee penn leoaie as haink red ennagh ayns my chione dy doaltattym: “As dooyrt Donald Thunnag rish Huey Thunnag, Dewey Thunnag, as Louie Thunnag…” as smooinee mee lesh aittys er yn aght ta pabyryn aitt Donald Thunnag taitnyssagh da inçhynaght y pheiagh aasit chammah as yn aegid. T’eh orroo ve cumir, baghtal, as lesh keeayl veein. Myr shoh screeu mee yn paragraaf. Bione da m’o-aigney c’raad va sampleyr ry-gheddyn.
Gaeltaght 